NATO baş katibi Yens Stoltenberq Gürcüstanla alyansın yaxınlaşması yolunda tərəqqi əldə edildiyini bildirib. Musavat.com-un gürcü qaynaqlarına istinadən verdiyi xəbərə görə, Brüsseldə prezident Georgi Marqvelaşvili ilə görüşdən sonra baş katib deyib ki, Gürcüstan getdikcə NATO-ya daha çox yaxınlaşır.
“Biz bu istiqamətdə sizinlə işlərimizin davamını gözləyirik” – qeyd edib Stoltenberq.
Lakin o, Gürcüstanın alyansa qəbulu ilə bağlı konkret tarix söyləməyib. Eyni zamanda gürcü liderini ölkədə demokratik islahatları dərinləşdirməyə, o sırada hüquqi dövlətlə bağlı məsələlərdə islahatları davam etdirməyə çağırıb.
Baş katib bir daha bildirib ki, alyansın genişləndirilməsi haqda qərarı müstəsna olaraq onun üzvləri qəbul edir və üçüncü ölkələr bu prosesə qarışa bilməz.
Cia.az
