Slovakiya hakimiyyətindən ABŞ-la hərbi əməkdaşlıq barədə sazişin imzalanmasından imtina edilməsi tələbi ilə bağlı mitinq keçirilib. Tədbir fevralın 2-də Slovakiya Milli Şurası (parlament) binasının qarşısında, Bratislavanın mərkəzində baş tutub. Bu barədə TASR informasiya agentliyi xəbər verib.

TASR-in məlumatına görə, etiraz aksiyasında bir neçə yüz aktivist iştirak edib. Onlar Bratislavanın Vaşinqtonla hərbi əməkdaşlığının genişləndirilməsinə qarşı şüarlar səsləndiriblər.

Çıxış edən natiqlər ABŞ-la müqavilə bağlanandan sonra resublikanın suverenliyinə təhlükə yaranacağını bəyan ediblər. Slovakiya hökumətinin və prezident Zuzana Çaputovanın ünvanına tənqidlər səslənib.

Onlar çərşənbə axşamı milli ərazilərdə digər dövlətlərin - NATO üzvlərinin hərbi bölmələrinin yerləşdirilməsini dəstəkləyiblər.

Bundan əvvəl, çərşənbə günü Rusiynı dəstəkləyən və ABŞ-la hərbi əməkdaşlığa qarşı mitinq Bratislavada prezdent sarayının qarşısında baş tutub. Aktivistlər həm də Slovakiya küçələrində avtomobil yürüşü həyata keçiriblər.

Hərbi saziş Slovakya və ABŞ arasında fevralın 3-də Vaşinqtonda imzalanmalıdır. Müdafiə naziri Yaroslav Nad və XİN başçısı İvan Korçokun da iştirak etdiyi nümayəndə heyəti oraya yola düşüb. Prezident sənədi imzalamağı Nada həvalə edib.