|
Erməni katalikos: İkinci Qarabağ müharibəsindən sonra erməni diasporu dağılmağa başlayıb

İkinci Qarabağ müharibəsindən sonra xaricdəki erməni diaspor  təşkilatları dağılmağa və özünə  biganə yanaşmaqla yanaşı, Ermənistandan məyus olmağa başlayıb.

Cia.az xəbər verir ki, bu fikri Böyük Kilikiya Evinin katolikosu I Aram Livandakı erməni diaspor təşkilatnın üzvləri ilə görüşündə deyib.

Katolikos I Aram görüşdə söylədiyi nitqin bir hissəsini öz Facebook səhifəsində  yerləşdirib.

“Diaspor köhnəlməyə və sönməyə başlayıb. Diaspora özünə laqeyd yanaşmağa, Ermənistandan məyus olmağa başladı, xüsusən son illərdə, Qarabağ müharibəsindən sonra bu geniş vüsət alıb. Gənclər kollektiv həyatımızdan, qurumlarımızdan uzaqlaşmağa başlayıblar. Biz ətrafımızda baş verən dəyişikliklərlə ayaqlaşmırıq”, -  erməni katolikos deyib.