|
Qazaxıstan Prezidenti yenidən xalqa müraciət edəcək

Qazaxıstan Prezidenti Kasım-Jomart Tokayevin ölkə vətəndaşlarına daha bir müraciəti olacaq.

Cia.az xəbər verir ki, bu barədə məlumatı “ZTB Qazaqstan” teleqram kanalı yayıb.

Tokayevin çıxışı bu gün Bakı vaxtı ilə 17:00-da respublika kanallarında yayımlanacaq.

Xatırladaq ki, Tokayev Qazaxıstanda yanvarın 2-dən etibarən keçirilən kütləvi etiraz aksiyaları fonunda artıq iki dəfə xalqa müraciət edib. O, çıxışı zamanı ölkənin birinci Prezidenti Nursultan Nazarbayevin Təhlükəsizlik Şurasının sədri vəzifəsindən istefa verdiyini açıqlamışdı.