|
Akademiklərin maaşı artdı

Türkiyə Böyük Millət Məclisinin (TBMM) ötən gecə keçirilən plenar iclasında akademik heyətin alacağı əməkhaqqı və əlavə ödənişlər barədə qanun layihəsi qəbul olundu.

Bu qanuna görə, professor, dossent, elmi işçilər, repetitorlar, müəllimlərə və s. akademik personala əlavə təzminat ödəniləcək.

Bundan başqa “Akademik təşviq ödənişi” adı ilə yeni bir ödəniş də olacaq.

Akademik heyətin ölkədə və xaricdə başa vurduğu layihələr, araşdırmalar, nəşrlər və mükafatlar əsas götürülərək illik akademik təşviq balı hesablanacaq.

Əldə olunan ballar nisbətində “Akademik təşviq ödənişi” veriləcək.

Türkiyə Silahlı Qüvvələri (TSK) sıralarında olan akademik heyət də müvafiq qanundan istifadə edə biləcək.//Anspress