|
Rusiyada koronavirusdan ölənlərin sayı 290 mini keçib

Rusiyada son sutka ərzində daha 29 558 nəfər yeni növ koronavirusa (COVID-19) yoluxub.

Cia.az-ın Moskva müxbirinin Operativ Qərargaha istinadən verdiyi məlumata görə, Rusiyada COVID-19-a yoluxanların sayı 10 046 454 nəfərə çatıb.

Son sutka ərzində 1121 nəfərin koronavirusdan öldüyü bildirilib. Ümumilikdə koronavirusdan ölənlərin sayı 290 604 nəfərə çatıb.

Qeyd edək ki, Rusiya koronavirusa yoluxmaların sayına görə ABŞ, Böyük Britaniya və Almaniyadan sonra dördüncü yerdə gəlir.