|
56 il gizlənən şəxs tapıldı

Amerikanın asayiş keşikçiləri 56 il gizlənən yaşlı kişini ələ keçiriblər. 
Ohayo ştatının sakini Frenk Freşuoters 1957-ci ildə avtomobili ilə piyadanı vurub.
O, ölümlə nəticələn avtomobil qəzasına görə ittiham olunub. Daha sonra onu girov müqabilində azad etsələr də, buraxılma şərtlərini pozduğu üçün yenidən həbsxanaya qaytarılıb. 

Frenk 1959-ci ilin axırlarında həbsxanadan qaçmağı bacarır və elə gizlənir ki, barəsində axtarış verilsə də, polis onu yalnız 20 ildən sonra tapa bilir.

1979-cu ildə Qərbi Virciniya ştatında yaxalansa da, bilinməyən səbəblərə görə qubernator onu ekstradisya etməkdən imtina edir.

Hazırda müttəhim yenidən digər ştatda yaxalanıb. O Ohayo ştatına ekstradisiya edilməsi üçün nəzarətdə saxlanılır.

Cia.az