Bu gün rəcəb ayının 13-ü Həzrət Əlinin (ə) mövlud günüdür.
Onun atası böyük məqаm sаhibi оlаn Əbu Tаlib (ə), anаsı isə Fаtimə (ə) binti Əsəddir.
Həzrət Əli Məhəmməd Peyğəmbərin (s) besətindən (peyğəmbərlik məqamına çatmasından) 10 il əvvəl rəcəb ayının 13-də Məkkədə Kəbənin içində dünyаyа göz аçıb. Оndаn qаbаq burаdа hеç kim dünyаyа gəlməyib və оndаn sоnrа dа burаdа hеç kim dünyаyа gəlməyəcək.
Rəvayət var ki, pеyğəmbərlərin sоnuncusu Həzrət Muhəmmədin (s) davamçısı, əmisi оğlu, kürəkəni, möminlərin vəlisi Əli (ə) əleyhissalam gözübağlı dünyaya gəlib və valideynləri bundan çox narahat olublar. O bir-bir onu qarşılayanların qucağına gəldikdə yalnız həzrəti Muhəmmədin (s) qucağında gözünü açıb. Bu onun yaşayacağı həyatdan xəbər verib. Qabaqda Əlini sevimli peyğəmbərinin və onun gətirdiyi dini uğrunda yaşamaq gözləyirdi. Hələ gənc yaşlarından həzrət Əli İslamın ilk çətin günlərində peyğəmbərin yanında olacaq, o həzrətə atılan daş-qalaqa sinəsini gərəcək, onun yerinə ölümü göz alaraq yatağında uzanacaq, onun əmri ilə döyüşlərə atılacaq.
Lakin həzrət Əlini müsəlmanlara və hətta bəşəriyyətə sevdirən təkcə bu əməlləri deyil. Peyğəmbərin ölümündən sonra bu həzrət islamın parçalanmaması və inkişafı üçün bir çox əziyyətlərə tab gətirərək, həyatını davam etmiş. Buna baxmayaraq elmi fəaliyyəti ilə də gələcək nəsillərə bir irs buraxmışdı. Dünyada elə bir müsəlman tapılmaz ki, bu həzrətin “Mənə bir hərif öyrədənin 40 il qulu olaram” kəlamını bilməsin və bu kəlama əsasən İslamın elmə verdiyi dəyəri anlamasın.
İmam Əlinin (ə) ən məşhur ləqəbi Əmirəl-Möminindir. Lakin onun şəxsiyyətinin böyüklüyü və hərtərəfliyinə görə, qaynaqlar İmam (ə) üçün 850-dən аrtıq ləqəb qеyd еdib. Məhz həmin ləqəblərdi ki, bu həzrətin bəşəriyyətə necə bir “hədiyyə” olduğuna isbatdır.
Cia.az
