|
Alman polisi ruhi xəstə olan türkü güllələyib öldürdü

Almaniya polisi ruhi xəstə olan türkiyəli mühacir Mehmet Ali Akanı güllə ilə vuraraq öldürüb.

Hadisə dünən axşam baş verib.

Bu faciə Almaniyanın mühacirlərin yaşadığı böyük şəhərləriən biri olan Manheymin 30 km-də yerləşən Grünştad yaşayış məntəqəsində baş verib.

40 yaşlı Mehmet Ali bir vaxtlar Almaniyaya iş üçün gələn türklərin övladıdır. Burada türk qızı Məryəmlə ailə həyatı qurub, 7 yaşlı bir oğlu var. Bir il əvvəl Mehmet Alinin Türkiyədə yaşayan 5 yaxını İstanbulda avtomobil qəzasında həlak olub. O vaxt Mehmet Ali bərk stress keçirdiyindən əsəb xəstəsinə çevrilib, xəstəxanada qeydiyyatda da olub.

Hadisə baş verən gün onun “pristupu” tutduğundan evdə səs-küy salıb. Buna görə də qonşular polis çağırıb. Mehmet Ali polislərə tabe olmayaraq mətbəxdən bıçaq götürmək istəyərkən polis ona qarnından iki dəfə atəş açıb.

Ağır yaralanan Mehmet Alini vertolyotla mərkəzi xəstəxanaya çatdırmaq istəsələr də o, yolda keçinib.

Türk mühacirin cəsədi dəfn olunmaq üçün sabah Türkiyəyə yola salınacaq. Bu gün isə türklər Grünştaddakı məscidə toplaşaraq baş verənləri müzakirə ediblər. Onlar şəhərin polis idarəsi qarşısında etiraz aksiyası keşirmək niyyətindədir, çünki polis Mehmet Alini zərərsizləşdirmək üçün ona ölümcül xəsarət yetirməməli idi. Alman qanunlarının tələbinə görə...

Cia.az