Böyük Britaniyanın Plimut şəhərində naməlum şəxsin açdığı atəş nəticəsində altı nəfər, o cümlədən bir uşaq həlak olub.
AZƏRTAC “The Times” qəzetinə istinadla xəbər verir ki, cinayətkar da daxil olmaqla beş nəfər hadisə yerində, bir nəfər isə xəstəxanada ölüb. Şahidlərin sözlərinə görə, silahlı şəxs yaşayış evinin giriş qapısını qıraraq mənzilə daxil olub və qadınla qızını güllələyib. Sonra evin arxasındakı parka keçərək ətrafdakı insanları atəşə tutub.
Cinayətkarın kimliyi və cinayətin motivləri barədə məlumat verilmir. Hüquq-mühafizə orqanlarının tədqiqatı davam etdirdiyi və hadisənin terror aktı olmadığı bildirilir.
