|
“The Washington Post”:

ABŞ prezidenti Co Baydenin administrasiyası düşünür ki, Əfqanıstanın paytaxtı Kabul verilən proqnozlardan daha tez bir müddətdə "Taliban"a təslim olacaq.

Bu barədə “The Washington Post” qəzeti məlumat yayıb.

Qeyd etmək lazımdır ki, bundan öncə hərbi kəşfiyyat bu müddəti 12 ay olaraq hesablamışdı.

İndi isə Əfqanıstan paytaxtının cəmi 90 gün ərzində radikal dini təşkilatın nəzarətinə keçəcəyindən danışılır. Başqa analitik hesablamarda situasiyanın daha dəhşətli olduğu göstərilir və hətta 1 aylıq vaxtdan danışılır.

“Hər şey tam bərbad yöndə irəliləyir”,-deyə hərbi kəşfiyyatın yüksək rütbli mənsublarından biri qəzetlə müsahibəsində bildirib. Artıq son xəbərlərə görə, “Taliban” 7 vilayəti tam olaraq işğal edib, hökumət qüvvələrinin isə buna müqavimət gücü yoxdur.

Hər şeyə rəğmən prezident Bayden ABŞ ordusunu Əfqanıstandan çıxarmaq qərarının müzakirəyə açıq olmadığını və 20 illik kampaniyanı bitirməkdən peşmançılıq duymadığını dilə gətirib.