Türkiyə baş nazirinin müavini, hökumət sözçüsü və parlamentin sabiq spikeri Bülənd Arınc nazirlər kabinetinin son iclasından sonra baş nazirlik müxbirləri ilə vidalaşıb.
Cia.az-ın məlumatına görə, haskim Ədalət və İnkişaf Partiyasından (AKP) millət vəkili olan və AKP-nin daxili nizamnaməsinə görə, bu il namizəd ola bilməyəcək Arınc vəzifəsini layiqli şəkildə yerinə yetirməyə çalışdığını deyib.
“Son 4.5 ildir hökumət sözçüsüyəm. Bu vəzifəmi layiqli şəkildə, əskiyiylə, səhvləri ilə, artıqlamasıyla yerinə yetirməyə çalışdım. Hər halda bir daha qarşılaşmayacağıq. Nazirlər kabinetinin son iclası olduğundan, mənim də aktiv siyasi həyatın iyunun 7-də başa çatacağından yeni hökumət sözçümüz hər halda çox dəyərli bir qardaşımız olacaq. Baş nazirliyin müxbirləri dediyimiz siz dəyərli dostlarımdan həm halallıq istəyirəm, həm də sizə böyük uğurlar arzulayıram. Allaha əmanət olun”.
Bülənd Arınc mətbuat konfransından sonra jurnalistlərlə şəkil çəkdirib.
Cia.az
