ABŞ-ın Rusiyadakı səfirliyi bu il avqustun 1-dən etibarən viza verilməsini dayandıracaq.
Buna əsas səbəb Kremlin Birləşmiş Ştatları “qeyri-dost ölkələr” sırasına daxil etməsidir.
Bu həm də ABŞ-ın diplomatik nümayəndəliklərində Rusiya vətəndaşlarının çalışması qadağasını da gətirəcək.
Bunu Birləşmiş Ştatların Ruisyadakı səfiri Con Sallivan da “Dojd” kanalına verdiyi müsahibədə təsdiqləyib. Onun sözlərinə görə, avqustdan etibarən səfirliyin personalı da azaldılacaq. Üstəlik, burada konsulluq xidmətlərinin göstərilməsi də dayandırılacaq.
“Bu, iki ölkə arasındakı münasibətlər nöqtey-nəzərindən bəsit bir əngəl sayılmır. Çünki ailələr üçün şəxsi problemlər yaratmaqla bərabər, müəssisələr arasında kommersiya əlaqələrinə də ağır zərbə vuracaq”, - deyə, səfir qeyd edib.
