“ABŞ güc yolu ilə, rejimləri devirərək, hərbi müdaxilələlər həyata keçirərək başqa ölkələrə demokratiyanı yeritməyəcək”.
Bu barədə Birləşmiş Ştatların dövlət katibi Entoni Blinken danışıb.
“Biz olduqca baha başa gələn hərbi müdaxilələrlə demokratiya yaya və ya zorla avtoritar rejimləri yıxa bilmərik. Biz daha öncələr bu taktikadan istifadə etdik. Bütün xoş niyyətlərə rəğmən həmin siyasət işləmədi”,-deyə o qeyd edib.
“Financial Times” qəzetinin xəbərinə əsasən, prezident Co Baydenin administrasiyası Donald Trampın izolyasionist və millətçi mövqelərindən fərqli xarici siyasi kurs götürəcək. Bayden dövründəki ABŞ dünyada lider mövqelərini qoruyub saxlamağa çalışmaqla bərabər, “başqa ölkələrin daxili işlərinə qarışan qlobal polis” imicindən qurtulmağa cəhd edəcək.
Xatırladaq ki, bu ilin fevral ayında Rusiyanın Vaşinqtondakı səfirliyi rəsmi Moskvanın Ağ Evə ölkələr arasında kontaktların qurulması məqsədilə sorğu göndərdiyini xəbər etmişdi.
