|
“İndi bu kişidən nə istəyirlər?” – “Rəmiş”in xanımından sərt açıqlama

Ötən gün Xalq artisti, “Rəmiş” ləqəbi ilə tanınan məşhur gitara ifaçısı Rafiq Hüseynovun koronavirusa yoluxduğu barədə xəbərlər yayılıb.

Məsələ ilə bağlı Musavat.com-un əməkdaşı ifaçının həyat yoldaşı Gülü Hüseynova ilə əlaqə saxlayıb. O, Xalq artistinin səhhətində yaranmış problemlərlə bağlı yayılan xəbərlərə bu cür aydınlıq gətirib:

“Axı Rəmiş niyə koronavirus olmalıdır?! Oturub evində, heç kəs də gəlib-getmir. Virusa necə yoluxa bilər ki? Bu cür xəbərləri yayanların Allah bəlasını versin. Dünəndən o qədər zənglər gəlib ki, cavab verməkdən başım xarab olub.

Rəmişin artı 77 yaşı var. İndi bu kişidən nə istəyirlər? İndi toylar da yoxdur ki, desinlər ki, “Rəmişi toylara çağırmırlar”. Əl çəksinlər!”