|
Çində 18 şaxtaçı mədəndə zəhərlənərək ölüb

Çinin cənub-qərbində yerləşən Çunçin bələdiyyəsi ərazisindəki kömür mədənində karbon monoksid qazından zəhərlənmə nəticəsində 18 şaxtaçı ölüb.

AZƏRTAC yerli hakimiyyət orqanlarının məlumatına istinadla xəbər verir ki, dekabrın 4-də axşamüstü baş verən hadisədən sonra mədəndə axtarış işlərinə başlanılıb. Nəticədə 18 şaxtaçının meyiti aşkarlanıb, bir nəfər isə sağ tapılıb.

Məlumata əsasən, 1975-ci ildən istismar olunan həmin mədəndə hasilat 2 ay əvvəl dayandırılıb. Qəza vaxtı mədəndə olan şaxtaçılar isə avadanlığın demontaj işləri ilə məşğul imişlər.