|
İspaniya Kralı koronavirusa yoluxmuş şəxslə təmasdan sonra özünü təcrid edib

İspaniya Kralı VI Felipe yeni növ koronavirusa (COVİD-19) yoluxmuş şəxslə təmasdan sonra özünü təcrid edib.

Trend-in "TASS"a istinadən verdiyi məlumata görə, Kral koronavirusa yoluxmuş şəxslə noyabrın 22-də təmasda olub. Normalara uyğun olaraq İspaniya Kralı 10 gün müddətinə karantində olacaq.

Qeyd edək ki, İspaniyada yeni növ koronavirusa 1,58 milyondan artıq yoluxma qeydə alınıb. Koronavirusa yoluxanlardan 43 min nəfəri vəfat edib.