İşlərinə görə iki günlük İstanbula gedən müğənni İzzet Yıldızhan Akmerkezdə obyektivlərə tuş gəlib.
Axşam.az Türkiyə mediasına istinadən xəbər verir ki, sənətçi jurnalistlərin suallarını cavablandırıb.
Yıldızhan ailəsi ilə birlikdə bir neçə il əvvəl köçdüyü İzmirdə baş verən zəlzələdən danışıb. İfaçı "Yaşadığımız qorxulu anları ifadə edə bilmərəm. Uşaqlar da çox qorxdular. Həmin an ancaq uşaqlarımı düşündüm" deyə, bildirib.
İzzet dağılan binanın yaxınlığında yerləşən ofisinin də söküləcəyini söyləyib:
"Ofisimin yerləşdiyi bina da zədələnib. Qərar verildi ki, sökülsün".
Avtomobilinin zəlzələ zamanı uçqun altında qaldığı sualına isə "Qalsa, nə olacaq ki? On avtomobilim də qalsın orda" cavabını verib.
