Fransada son sutkada COVID-19 pandemiyasından xəstəxanalarda 508 ölüm faktı qeydə alınıb.
AZƏRTAC xəbər verir ki, bu haqda Fransa Səhiyyə İdarəsi məlumat verib.
Bildirilib ki, xəstəxanalarda 33 497 koronavirus xəstəsi müalicə alır.
Ölkədə koronavirus qurbanlarının ümumi sayı 45 054-ə çatıb. Bu ölüm hallarının 31315-i xəstəxanalarda, 13739-u isə qocalar evlərində qeydə alınıb. Ölkədə ümumi 1991233 yoluxmadan 9406-sı son sutkada aşkarlanıb. Yeni yoluxma sayında azalma müşahidə olunsa da, xəstəxanalara daxil olanların sayı artmaqdadır.
