|
Latviyada koronavirusa yoluxanların sayı artıb

Latviyada son sutka ərzində koronavirusa (COVID-19) yoluxanların sayı 242 nəfər artaraq 6136-a çatıb.

AZƏRTAC xəbər verir ki, bu barədə Latviyanın Səhiyyə Nazirliyi məlumat yayıb.

Bildirilib ki, epidemiyanın yayıldığı tarixdən bəri ölkədə 458 min 151 nəfər müayinə olunub. Son sutka ərzində COVID-19 virusuna görə 3898 nəfərdən analiz götürülüb.

Yeni növ koronavirusdan 74 ölüm faktı qeydə alınıb. Sağalanların sayı isə 1406-dır. Yoluxma hallarının artacağı istisna olunmur.