|
4 mərmi atılan Bərdədə son durum FOTO

Düşmən bu gün də artilleriya silahlarından Bərdə şəhərini atəşə tutub.

Atılan mərmilər şəhərin Təbriz küçəsinə, H.Əliyev prospektində "köhnə körpü" deyilən əraziyə və prospektdəki "Monika" mağazasının yaxınlığına düşüb. İlkin məlumata görə, 1 nəfər yerli sakin dünyasını dəyişib.

"Yeni Müsavat"ın Reportyor Qrupu Bərdədən xəbər verir ki, ümumilikdə şəhərə 4 mərmi atılıb. 

Mərmilərdən biri Bərdə şəhəri, Təbriz küçəsində İlqar Fərzəliyevin evinin yanına düşüb və evdə yanğın başlayıb. İlqar Fərzəliyev reportyorumuza deyib ki, hadisə zamanı evdə özündən başqa 10 yaxın qohumu olub. Yanğın zamanı kimsə yaralanmayıb, xəsarət almayıb.

Ətraflı məlumat veriləcək.