|
Böyük Britaniyada son günlər koronavirusa yoluxanların sayında artım var

Böyük Britaniyada ötən gün 7 min 108 nəfər koronavirusa yoluxub, 71 nəfər isə həyatını itirib.

Beləliklə, ölkədə virusa yoluxanların sayı 446 min 106 nəfərə çatıb. Son günlərdə baş verən artım ölkə daxilində qaydalara yenidən dəyişiklik edilməsi məsələsini gündəmə gətirib.

Bu günlərdə Parlamentdə çıxış edən Baş Nazir Boris Conson virusu məğlub etmək üçün güclü tədbirlərin görülməsi fikrini müdafiə edib.

Xatırladaq ki, virusa yoluxmanın qarşısını almaq üçün bəzi bölgələrdə lokal karantin rejimi elan edilmişdi.