İsveçin tanınmış dietoloqu Kristina Andersson insan üçün faydalı və ucuz məhsulların adlarını açıqlayıb.

Bu barədə "Report" "Svenska Dagbladet"ə istinadən xəbər verir.

Həkimin sözlərinə görə, meyvə rasionuna öncə soğanı əlavə etmək lazımdır. Çünki onun tərkibində vitaminlər, faydalı maddələr mövcuddur və bakterisid effektə malikdir. Qırmızı soğan xüsusən antioksidləşdiricilərlə zəngindir.

Kristina Andersson qeyd edib ki, kələmə də diqqət yönəltməyə dəyər. Çünki kələm orqanizmi xərçəngdən müdafiə edən maddələri özündə ehtiva edir. Bu halda mədə problemlərindən əziyyət çəkən insanlar da kələmdən istifadə etməlidir, amma kələm çiy olmamalıdır.

Bundan əlavə, dietoloq kartof və tərkibində bir çox mineralların olduğu yerköküdən, çuğundurdan istifadə etməyi məsləhət görüb.