Almaniya vətəndaşları koronavirusdan çox ABŞ prezidenti Donald Trampdan qorxduqlarını açıqlayıblar.
Ölkənin “R + V” sığorta şirkətinin keçirdiyi rəy sorğusunun nəticələri hər kəsi təəccübləndirib.
Almanların fikrincə, Trampın siyasəti dünyanı daha təhlükəli hala gətirərək, iqtisadi problemlərin üzərini örtüb. Hər halda respondentlərin 53%-i bu yöndə rəy bildirib.
Sorğunun nəticələrinə əsasən, iqtisadi situasiya və Avropa Birliyinin borcları almanlar üçün ikinci və hətta üçüncü plana keçib. Koronavirus almanların gündəmində yalnız 17-ci sıranı tutub.
Qeyd etmək lazımdır ki, “Almanların qorxusu” adı altında keçirilən bu sorğu 1992-ci ildən bu yana gerçəkləşdirilir. Son tədbirdə 2400 vətəndaşın fikri alınıb.
