|
Şimal rayonlarına qar yağıb

Şimal bölgəsinin bəzi yaşayış məntəqələrinə qar yağıb.

Quba rayonunun Xınalıq kəndinə 10 sm, Qırız yaşayış məntəqəsinə 10 sm, Qonaqkənd, Nohurdüzü, Rük və Susaya isə 3-4 sm qar düşüb. Qusar rayonunun Ləzə kəndində də 3 sm qalınlığında qar qeydə alınıb.

Quba Regional Hidrometeorologiya Mərkəzindən verilən məlumata görə, temperatur bəzi yaşayış məntəqələrində mənfi 3-4 dərəcəyə düşüb.

Yağıntılı hava şəraiti aprelin 14-dək davam edəcək.