|
Ermənistanda koronavirus xəstələrinin sayı 43 min 626 nəfərə yüksəlib

Ermənistanda COVID-19 virusuna yoluxma halları artmaqda davam edir. Ölkədə son 24 saat ərzində daha 175 nəfərdə COVID-19 virusu aşkar olunub.

AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.

Bildirilir ki, bununla da Ermənistanda koronavirusa yoluxanların sayı 43 min 626-ya çatıb.

Pandemiya qurbanlarının sayı daha 3 nəfər artaraq 872-yə çatıb.

Bundan başqa, daha 266 koronavirus xəstəsi digər səbəblərdən ölüb.

Hazırda Ermənistanda 4925 aktiv koronavirus xəstəsinin olduğu bildirilir.