Mehdi Cənnətov, Elvin Bədəlov və Vurğun Hüseynovun ardından "Sumqayıt" Futbol Klubu Rəhim Sadıxov ilə də müqaviləni yeniləyib.

Musavat.com klubun rəsmi saytına istinadən xəbər verir ki, 24 yaşlı futbolçunun 2020/2021 mövsümünün sonuna qədər qüvvədə olan müqaviləsi daha 1 il müddətinə uzadılıb.

Qeyd edək ki, Rəhim Sadıxov 2019/2020 mövsümündə "Sumqayıt" FK-nın heyətində Premyer Liqada 15 qarşılaşmada meydana çıxıb (1002 dəqiqə). Yarımmüdafiəçimiz Premyer Liqa və Azərbaycan Kuboku qarşılaşmaları da daxil olmaqla, ümumilikdə 5 qol vurub.