Rusiyada öldürülmüş 17 yaşlı vətəndaşımız, Volqoqrad Tibb Universitetinin tələbəsi Timur Qavrilovun meyiti Azərbaycana təhvil veriləcək.

Bu barədə Volqoqrad vilayətinin istintaq orqanları xəbər yayıb.

İyunun 12-də axşam saatlarında Volqoqradın Voroşilovski rayonunda Tibb Universitetinin birinci kurs tələbəsinin meyiti tapılıb. Hüquq-mühafizə orqanlarından gəncin Azərbaycan vətəndaşı olduğu bildirilib.

O, çoxsaylı bıçaq zərbələri nəticəsində ölüb. Faktla bağlı cinayət işi başlanıb.

Hazırda müstəntiqlər və polislər cinayətkarı axtarır, onun bəzi əlamətləri müəyyən edilib.

Qeyd edilib ki, meyitin təhvil verilməsi məqsədilə etibarnamə vermək üçün uzun müddət tələb edilir, mərhumun Volqoqradda qohumu yoxdur.

İyunun 15-də qubernator Andrey Boçarov qətlin açılmasına kömək edən şəxsə 1000000 rubl (24,5 min AZN - red.) mükafat verəcəyini bildirib.
(oxu.az)