Bu günədək Özbəkistanda COVID-19 koronavirusundan 789 nəfər sağalıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son iki sutka ərzində COVID-19 koronavirusuna yoluxanların sayı 51 nəfər artaraq 1889 nəfərə çatıb. Bildirilib ki, bu virusa yoluxanların sayı getdikcə aşağı düşür. Cəmi 10 gün əvvəl bir sutkada 80-100 xəstə qeydə alınırdısa, son iki gündə cəmi 51 nəfər xəstələnib. Sağalanların sayı isə sürətlə artır, indiyədək 789 nəfər sağalıb, 1092 xəstə müalicə alır, 8 xəstə ölüb.
Məlumatda bildirilir ki, artıq Özbəkistanın iki vilayətində karantin rejimi ləğv edilib, ölkə üzrə tikinti materialları bazarı, notarial kontorlar, kimyəvi təmizləmə və maşın təmiri obyektləri açılıb.
