İngilis rəssamı Devid Hokninin "The Splash" (Çıləmə) rəsm əsəri İngiltərə paytaxtında 23.1 milyon funt sterlinqə (29.8 milyon dollar) satılıb.
Trend-in məlumatına görə, bu barədə "Sotheby’s" hərrac evi fevralın 11-də xəbər verib.
1966-cı ildə çəkilən rəsm sonuncu dəfə 2006-cı ildə satışa çıxarılıb.
Ümumilikdə, 1937-ci ildə anadan olan sənətkar pop-art üslubunda Kaliforniyada müasir bir evin qarşısında yerləşən hovuzda su sıçrayışını təsvir edən üç rəsm əsəri çəkib. Fevralın 11-də Londonda auksionunda satılan rəsmdən əlavə olaraq, bu, 1966-cı ildə kətan üzərində yazılmış və şəxsi kolleksiyada saxlanılan "Small Splash" (Kiçik Çiləmə) və "Big Splash" (Böyük Çiləmə) əsərləridir.
