Çinin şərq vilayəti Çjetszyan bu mövsümün sayca doqquzuncu qasırğası ilə üz-üzə qalıb.

Trend-in məlumatına görə, Çinin Mərkəzi Meteoroloji Xidməti "Lekima" adlı qasırğanın vilayətin sahillərinə avqustun 9-10-da çatacağını proqnozlaşdırıb.

Hazırda qasırğanın hərəkət istiqmətində küləyin sürəti 126 km/saat qeyd edilir. Küləyin sürətinin avqustun 10-da maksimum 162 km/saata çatacağı gözlənilir.

Yerli hakimiyyət qasırğanın fəsadlarının minimuma endirilməsi istiqamətində iş aparır.