Hacıqabul-Ələt yolunda ağır yol-nəqliyyat hadisəsi baş verib.
Trend-in məlumatına görə, qəza bu gün səhər saat 08 radələrində Atbulaq kəndi ərazisindən keçən yolda baş verib. Şəhər istiqaməti ilə hərəkətdə olan B017-KN-134 Rusiya dövlət nömrə nişanlı "Mercedes Vito" yük maşını ilə toqquşaraq yol kənarına yuvarlanıb.
Hadisə nəticəsində 2 nəfərin öldüyü və bir nəfərin xəsarət aldığı bildirilir. Xəsarət alan şəxs Rayon Mərkəzi Xəstəxanasına yerləşdirilib.
Qəza yerinə Dövlət Yol Polisinin əməkdaşları və Təcili Tibbi Yardım biriqadası cəlb olunublar.
