Rusiya kosmonavtları Maks Surayev və Aleksnadr Samokutayev Beynəlxalq Kosmik Stansiyada təmir işləri aparıblar. Məlumata görə, kosmik fəzada sayca 184-cü olan əməliyyat 6 saat çəkib.
Kosmonavtlar stansiyanın dok modulu üzərindəki radiometriya panelini söküblər. Panel artıq istifadə üçün gərəkli olmayıb. Kosmonavtlar paneli sökərək onu kosmik fəzaya atıblar. Panel bir müddət sonra atmosferə daxil olan zaman yanaraq dağılacaq.
Sözgedən panel uzun müddət yerdə seysmik fəallığı müşahidə etmək üçün istifadə olunub. Alimlər bu paneldən əldə olunan məlumatlar sayəsində zəlzələlərin əvvəlcədən xəbər verilməsi imkanları üzərində araşdırmalar aparıblar.
Avropa Kosmik Agentliyi bu stansiya sayəsində kosmosdakı radiasiya, vakum və yerin gecə-gündüz sikllarına dair məlumatlar əldə edirlər.//Anspress
