|
Azər Mursaqulov: Azərbaycanda keçirilən islahatlar iqtisadiyyatı stabilləşdirməyə imkan verib

Azərbaycanda aparılan islahatlar iqtisadiyyatı sabitləşdirməyə, inflyasiyanın səviyyəsini azaltmağa və valyuta ehtiyatlarını artırmağa imkan verib.

Trend-in məlumatına görə, bunu Dövlət Borcunun İdarə Edilməsi Agentliyinin direktor müavini Azər Mursaqulov deyib.

O, maliyyə sahəsində aparılan islahatları xüsusi qeyd edib: "Bu islahatlar arasında dövlət borclarının idarə edilməsi strategiyası və yeni fiskal qaydalar əsas yer tutur".

 

Direktor müavininin sözlərinə görə, neft gəlirlərindən istifadə limiti qaydalara uyğun olaraq hər il hesablanacaq:

“Dövlət borclarının idarə edilməsi strategiyası Azərbaycan Prezidenti İlham Əliyev tərəfindən ötən ilin avqustunda təsdiq edilib və ölkədə makroiqtisadi vəziyyətin yaxşılaşdırılmasına istiqamətlənib”.