|
Cənubi Koreyanın qırıcısı Sarı dənizə düşdü

Koreya Respublikası Hərbi Hava Qüvvələrinə məxsus KF-16 qırıcısı qəzaya uğrayıb. Trend-in məlumatına görə, qəza təyyarə Sarı dəniz üzərində uçuş həyata keçirərkən baş verib.

Məlumata görə, göyərtədə olan hər iki pilot sağ qalıblar və xilas ediliblər.

 

Yerli vaxtla saat 12:13-də baş vermiş qəzanın səbəbləri isə hələ məlum deyil. Təyyarənin Kunsandakı bazadan havaya qalxdıqdan cəmi 3 dəqiqə sonra qəzaya uğradığı bildirilir.

Qəzanın səbəblərinin araşdırlması üçün qərargah yaradılıb.