İndoneziyanın hakimiyyət orqanları Yava dənizində itən gəminin axtarışlarını davam etdirir.
AZƏRTAC “Teh Jakarta Post” qəzetinə istinadla xəbər verir ki, palma yağı ilə yüklənmiş “Namse Bangdzod” adlı gəmi dekabrın 27-də Sampit limanından çıxaraq Kalimantan adasına yola düşüb.
Göyərtəsində 12 dənizçinin olduğu gəmi ilə əlaqə Cakarta yaxınlığındakı Karavanq limanının yanından keçərkən kəsilib. Yanvarın 7-də gəminin itdiyi barədə elan verilib.
Hazırda gəminin axtarışı ilə İndoneziya Fövqəladə Hallarla Mübarizə Agentliyi (Basarnas) məşğuldur. Karavanq polisi isə yerli balıqçıları axtarışlara yardım etməyə çağırıb.
