|
Gündoğan ölkədə sunami təhlükəsi

Yaponiyanın cənubunda maqnitudası 5,5 bal gücündə olan zəlzələ qeydə alınıb.

ANS PRESS-in məlumatına görə, yeraltı təkanların episentri Şərqi-Çin dənizində, Okinava adası yaxınlığında, ocağı isə 50 kilometr dərinlikdə olub. Bu barədə Yaponiyanın milli meteoroloji stansiyası məlumat yayıb.

Zəlzələ Okinava prefekturasının bütün adalarında, Kaqosimada, eləcə də Kyuşu adasında da hiss olunub.

Meteoroloqlar əvvəlcə sunami təhlükəsi elan ediblər, ancaq bir neçə dəqiqə sonra xəbərdarlığı geri götürüblər.

Hadisədə zərər çəkənlərin və dağıntının olması ilə bağlı heç bir məlumat yoxdur.