|
Bakıda azyaşlını öldürməyə cəhd edən şəxs ekspertizaya göndərildi

Bakı Ağır Cinayətlər Məhkəməsində azyaşlı uşağı öldürməyə cəhddə təqsirləndirilən Mövsüm Bağırovun cinayət işi üzrə məhkəmə prosesi başlayıb.

Trend-in məlumatına görə, hakim Azər Paşayevin sədrliyi ilə keçirilən prosesdə prokuror ittiham aktını elan edib.

Prosesdə məlum olub ki, M.Bağırov hadisəni anlaqsız vəziyyətdə törədib. Məhkəmə onun barəsində yenidən tibbi-ekspertiza təyin edib.

 

Proses bu səbəbdən qeyri-müəyyən vaxta qədər təxirə salınıb.

İttihama görə, bu il paytaxtın Xəzər rayonunda 1998-ci il təvəllüdlü Mövsüm Bağırov qonşuluqda olan 7 yaşlı uşağın başına daş çırparaq öldürməyə cəhd edib. Yaralı uşaq xəstəxanaya çatdırılıb.

Hadisəyə səbəb uşağın M.Bağırovun yanında pirotexniki vasitədən istifadə etməsi olub. Polis tərəfindən saxlanan M.Bağırova Cinayət Məcəlləsinin 29.120-ci (adam öldürməyə cəhd) maddəsi üzrə ittiham irəli sürülüb.