|
Emil Qədirov “Qradskiy Holl” teatrında solo konsert proqramı ilə çıxış edəcək

Rusiyada yaşayan həmvətənimiz Emil Qədirovun noyabrın 17-də “Qradskiy Holl” teatrında “Odlar yurdunda” (“V strane oqney”) adlı solo konserti keçiriləcək. O, teatrın eyniadlı orkestri ilə birlikdə çıxış edəcək.

Bu barədə musiqiçinin və “Qradskiy Holl” teatrının saytlarında məlumat yer alıb.

E.Qədirov Kreml Sarayında, İttifaqlar Evinin sütunlu salonunda, Moskva musiqi evi, Mərkəzi alimlər evi, Xilaskar İsa Məbədində solo konsert proqramları ilə çıxış edib. Rusiyanın “Qolos” layihəsinin iştirakçısı olan E.Qədirov hazırda “Qradskiy Holl” teatrının aparıcı solistidir. Bakıda keçirilən “Jara” Beynəlxalq Musiqi Festivalında iştirak edir. Bu il “Novaya volna” müsabiqəsinin xüsusi mükafatına layiq görülüb. Onun repertuarına dünya klassik operasından ariyalar, müxtəlif ölkələrin bəstəkarlarının romansları və estrada mahnıları daxildir.