| Xəbər 4851 dəfə oxunub
"Roma" "Şaxtyor"a, "Mançester Yunayted" "Sevilya"ya qarşı

Çempionlar Liqasında 1/8 finalın cavab oyunları davam edir.
Bu gün keçiriləcək görüşlərlə daha iki 1/4 finalçı müəyyənləşəcək.
"Qarabağ"ın yer aldığı qrupu lider kimi başa vuran "Roma" öz meydanında "Şaxtyor"la qarşılaşacaq. "Canavarlar" Donetskdə keçirilən ilk görüşdəki 1:2 hesablı məğlubiyyətə baxmayaraq növbəti mərhələyə daha şanslı hesab edilir.
Digər görüşdə isə "Mançester Yunayted" "Sevilya"nı qəbul edəcək. Ötən mövsüm Avrliqanın qalibi olan Joze Mourinyonun komandası səfərdə heç-heçə etdiyi rəqibini doğma azarkeşlər önündə məğlub etməyə çalışacaq.

Qeyd edək ki, sabah keçiriləcək iki qarşılaşma ilə 1/4 finalın bütün iştirakçıları müəyyənləşəcək.
   
 13 mart

Çempionlar Liqası

1/8 final (cavab oyunları)

23:45. “Roma” (İtaliya) – “Şaxtyor” (Ukrayna)
İlk oyun - 1:2

 23:45. “Mançester Yunayted” (İngiltərə) – “Sevilya” (İspaniya)
İlk oyun – 0:0

 

14 mart

21:00. “Beşiktaş” (Türkiyə) – “Bavariya” (Almaniya)
İlk oyun – 0:5

23:45. “Barselona” (İspaniya) – “Çelsi” (İngiltərə)
İlk oyun – 1:1