| Xəbər 5499 dəfə oxunub
Ankara və Bağdad razılığa gəldi:

Ankara və Bağdad İraqda PKK terror təşkilatına qarşı birgə mübarizə aparmaq barədə razılığa gəliblər.

Trend-in məlumatına görə, bu barədə Türkiyə Baş nazirinin müavini Bəkir Bozdağ deyib.

O qeyd edib ki, PKK nəinki Türkiyə, bütün qonşu ölkələr üçün təhdiddir.

 

Bununla belə, B.Bozdağ İraqın şimalında keçiriləcək hərbi əməliyyatların dəqiq tarixini açıqlamayıb.

Bundan əvvəl Türkiyənin Baş naziri Binəli Yıldırım bəyan etmişdi ki, Ankara İraqla PKK-ya qarşı birgə əməliyyatlara başlamaq barədə danışıqlar aparır.