| Xəbər 4388 dəfə oxunub
Əhvalınız tez-tez dəyişilirsə...

İnsanın əhvalına tək xarici mühit təsir etmir. Bir çox daxili xəstəliklər da insanın əhvalına ciddi təsir edir.

Belə ki, əhvalınız tez-tez və kəskin dəyişilirsə, bu maddələr mübadiləsi proseslərinin pozulmasından xəbər verə bilər.

Tez-tez səbəbsiz ağlamaq istəyirsinizsə, qalxanvari vəzini yoxlayın. Bu hipotireozun (qalxanvari vəzinin fəaliyyətinin zəifləməsi) əlaməti ola bilər.

Əsəbi, qıcıqlı, deyingən olmusunuzsa, bu da qalxanvari vəzidə olan pozulmaya işarə edə bilər. Lakin bu digər pozulmanın - hipertireozun (qalxanvari vəzinin fəaliyyətinin artması) əlaməti kimi meydana çıxa bilər.

Depressiyaya meyllik, əsəbilik, əhvalın tez-tez dəyişilməsi qadın və kişilərdə cinsiyyət sistemi xəstəliklərindən və pozulmalardan xəbər verə bilər.

Adətən sakit və təmkinli insan birdən-birə hirslənməyə, özündən çıxmağa başlayıbsa, bu onun ürəyində olan bəsi pozulmalara işarə edə bilər.

Küsəyənlik, kinlilik, daim hər kəsə qarşı çıxmaq istəyi qaraciyər və öd kisəsində problemlərdən xəbər verir.