Bolqarıstan Prezidenti Rumen Radev Estoniyaya səfərini yarıda saxlayıb.
AZƏRTAC Estoniya mətbuatına istinadla xəbər xəbər verir ki, buna səbəb onun səfərə çıxmazdan əvvəl COVID-19 infeksiyasına yoluxmuş şəxslə təmasda olmasıdır.
Estoniya Prezidentinin mətbuat xidmətinin oktyabrın 20-də verdiyi məlumata əsasən, Bolqarıstan Prezidenti Rumen Radev Baltik, Qara və Adriatik dənizlərinin 12 dövlətini bir araya gətirən “Üç dəniz təşəbbüsü” sammitində iştirak etmək məqsədilə Estoniyaya gəlmişdi.