| Xəbər 3365 dəfə oxunub
Rusiya-Azərbaycan sərhədində Azərbaycan vətəndaşı ölüb

Azərbaycan vətəndaşı İdris Təhməzov Rusiya-Azərbaycan sərhədində ölüb.

“Report”un Rusiya bürosunun əldə etdiyi məlumata görə, İ.Təhməzovun meyiti dünən Vətəninə göndərilib.

Qeyd edək ki, onun 52 yaşı var. Ölümün səbəbi qaraciyər sirrozu olub.

Daha əvvəl Rusiyanın Dağıstan Respublikasının Dərbənd şəhər dairəsi rəhbərinin azərbaycanlılarla iş üzrə səlahiyyətli nümayəndəsi Qani Panayev "Report"a müsahibəsində Rusiya-Azərbaycan sərhədində və Dərbənddə Azərbaycana qayıtmaq istəyən 600-dan çox insanın toplaşdığını bildirmişdi.

Mayın 19-da onların bəziləri sərhədi keçib Rusiyadan vətənlərinə qayıdıblar.

Xatırladaq ki, həm hava, həm də quru yolu ilə Azərbaycana giriş aprelin 5-də dayandırılıb. Rusiya isə martın 30-dan etibarən sərhədlərini bağlayıb.