| Xəbər 11507 dəfə oxunub
Dostların işi - girdikləri evdən bir qoyun oğurlayıblar

Oğurluq etmədə təqsirləndirilən işlər hakim qarşısına çıxarılıb.

Musavat.com xəbər verir ki, Bakı Ağır Cinayətlər Məhkəməsində oğurluqda suçlanan dostlar, Fariz Şirəliyev və Peyman Talıblının cinayət işi üzrə məhkəmə iclası başlayıb.

Hakim İradə Həsənzadənin sədrliyi ilə keçirilən məhkəmənin hazırlıq iclasında təqsirləndirilən şəxslərin anket məlumatları dəqiqləşdirilib.

Məlumata görə, oğurluq etdiklərinə görə tutulan Fariz Şirəliyev və Peyman Talıblının ətraflarında Baş Cinayət Axtarışı İdarəsi, Neftçala RPŞ və Suraxanı RPİ- nin əməkdaşları tərəfindən aparılmış əməliyyat tədbirləri ilə onların Suraxanı rayonu ərazisindəki 7 evdən pul, qızıl-zinət və məişət əşyaları, habelə Neftçala rayonunun Cəngan kənd sakini D.Abbasovun 1 baş qoyununu oğurlamaları da müəyyən edilib.