| Xəbər 1657 dəfə oxunub
“Xalq artisti” fəxri adına layiq görülən məşhurlar medalla təltif olundu

Dekabrın 21-də Prezident İlham Əliyevin müvafiq sərəncamları ilə Azərbaycan mədəniyyətinin inkişafında xidmətlərinə görə orden, medal və fəxri adlara layiq görülmüş mədəniyyət və incəsənət xadimlərinə mükafatların təqdim edilməsi mərasimi keçirilib.

Musavat.com xəbər verir ki, Mədəniyyət naziri Əbülfəs Qarayev Azərbaycan Respublikasının estrada ifaçıları Röya Ayxan, Miri Yusif və Tünzalə Ağayevaya “Xalq artisti” fəxri medallarını təqdim edib.

“Xalq artisti” fəxri adına layiq görülən hər üç sənətçi bir araya gələrək, onlara bu sevinci bəxş edən Prezident İlham Əliyevə təşəkkürlərini bildiriblər.

Miri Yusif: “Hörmətli, cənab Prezident, biz sizi təbrik edirik. Ad gününüz mübarək olsun. Allah Sizi qorusun!”

Röya Ayxan: “Sizə təşəkkürümüzü bildiririk. Öz ad gününüzdə bizi bu cür təbrik edib, dəyərləndirdiniz. Çox sağ olun!”

Tünzalə Ağayeva: “Hörmətli, cənab Prezident, biz sizi çox sevirik. Sizə can sağlığı arzu edirik. Biz, müasir musiqi nümayəndələri hər zaman Azərbaycan musiqisini ən gözəl şəkildə təmsil etmişik və sizin bizə verdiyiniz bu təltifdən sonra daha da həvəslənib, bol-bol işlər görməyə çalışacağıq. Allah Sizi qorusun!”