Azərbaycanda qızıl bahalaşıb, gümüş isə ucuzlaşıb.

Trend-in məlumatına görə, iyulun 29-da qızılın qiyməti iyulun 26-ı ilə müqayisədə 7,5055 manat artaraq 1 unsiya üçün 2414,408 manat təşkil edib.

Gümüş 0,0173 manat ucuzlaşaraq 1 unsiya üçün 27,8576 manata bərabər olub.

Trend-ə görə, platinin qiyməti 1,4535 manat artaraq 1473,611 manat, palladiumun qiyməti isə 0,7055 manat artaraq 2599,2405 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.