Gəncədə 16 yaşlı qızın bıçaqlanması ilə bağlı cinayət işi başlanıb.

Trend-in məlumatına görə, fevralın 4-də Gəncədə 2003-cü il təvəllüdlü N.İsmayılovanın bıçaqlanması ilə bağlı Gəncə şəhər Baş Polis İdarəsində Cinayət Məcəlləsinin 126.1-ci( qəsdən sağlamlığa ağır zərər vurma) maddəsilə cinayət işi başlanıb.

Hazırda faktla bağlı istintaq tədbirləri davam etdirilir.

Xatırladaq ki, fevralın 4-də gecə saatlarında Gəncə şəhər sakini, 2003-cü il təvəllüdlü N.İsmayılova qaraciyərinin və qarın boşluğunun kəsilmiş, deşilmiş yaraları ilə xəstəxanaya çatdırılıb.

Polis əməkdaşlarının “isti izlər”lə keçirdikləri təxirəsalınmaz istintaq-əməliyyat tədbirləri nəticəsində hadisəni törədən Gəncə şəhər sakini, yetkinlik yaşına çatmayan S.Cəfərov şübhəli şəxs qismində saxlanılıb.