| Xəbər 720 dəfə oxunub
ABŞ-ın ən yaşlı sakini dünyasını dəyişib

ABŞ-ın ən yaşlı sakini Lesli Braun 114 yaşında dünyasını dəyişib.

Trend-in məlumatına görə, Braun Ohayo ştatının Klivlend-Hayts şəhərində ölüb. O, 1904-cü ildə Corciya ştatında anadan olub və fermada böyüyüb. Ailəsində 11 uşaq olub.

 

Həyatının son illərini 3 qızından birinin evində yaşayıb, onun həmçinin 2 oğlu var. Yoldaşı 1991-ci ildə ölüb.

Lesli Braun 9 may 2018-ci il tarixində ABŞ-ın ən yaşlı sakini olub. Həmin gün Pensilvaniya ştatında Delfin Gibson 114 yaşında dünyasını dəyişib.