| Xəbər 2308 dəfə oxunub
Hər gün 5 dəqiqə qaçmağın nə qədər faydalı olduğunu bilirsnizmi?

Hər gün davamlı olaraq, sadəcə 5 dəqiqə qaçmağın ömrünüzü 3 il uzadacağını bilirdinizmi? Bəs, qaçışın digər hansı fadaları mövcuddur?

 

Axşam.az xarici mediaya istinadən səhərlər qaçışla məşğul olmağın həm psixoloji, həm də bədən sağlamlığına faydalı təsiri barədə məlumat verir:

1. Qan təzyiqini tənzimləyir. Hər səhər qaçmaq qan təzyiqini nizamlayır, yüksək təzyiqi salır. Hər nə qədər qaçmaq qan təzyiqini ani olaraq artıran bir hərəkət kimi görünsə də, uzun müddət ərzində həm kişilər, həm də qadınlarda təzyiq, diabet və xolesterolu nizama salır. 

2. Ürək xəstəlikləri riskini azaldır. Hesablamalara görə hər səhər qaçışla məşğul olmaq ürək xəstəlikləri riskini yüzdə əlli nisbətində azaldır. Sadəcə həftədə iki gün, ən azından 10 dəqiqə yüngül tempdə qaçmaq belə sizi ürək xəstəliklərinə qarşı qoruyacaq. 

3. Zehni gücləndirir. Hər bir məşq ürəyinizin daha çox işləməsi nəticəsində oksigenlə zənginləşmiş qanın bədəninizdə dövr etməsinə şərait yaradır. Bu oksigen də beyninizdən keçərək zehninizin işinə köməklik göstərmiş olur. Davamlı şəkildə qaçmaq zehninizin güclənməsi ilə birlikdə ruhunuzu da dincəldir, zehninizi boşaldaraq psixologiyanıza müsbət təsir göstərir. 

4. Özünüzü daha yaxşı hiss edəcəksiniz. Əgər pis bir dövr keçirirsinizsə, heç nə qaydasında deyilsə, hər səhər davamlı olaraq qaçışla məşğul olmaq sizə özünüzü daha xoşbəxt hiss etdirəcək. 

5. Daha yaxşı yatacaqsınız. Hər səhər qaçmaq yuxu sisteminizi qaydaya salacaq və daha yaxşı yatmağınıza kömək edəcək. Gün ərzində daha canlı və aktiv olmağınıza imkan yaradacaq. İdmanla məşğul olduğunuz zaman bədəniniz yuxuya keçməyiniz üçün bədən temperaturunuzun düşməsini daha rahat təmin edəcək, beləcə həm qısa müddətdə yuxuya gedə biləcək, həm də keyfiyyətli yuxu perioduna sahib olacaqsınız.